بوابة رأس الخيمة RAKGATE

السلام عليكم ورحمة الله وبركاتة ,,

طبعا اول شيء هذا الشرح انا شرحته قبل في المنتديات لكن بشكل سطحي …وطبعا وايد ناس مافهمو يعني ماستعبو الفكرة واليوم هني بحاول قدر الامكان اوضح فكرة الاداة هذه.

باختصار وبدون تعقيد … كلنا نعرف وظيفة الفلاش مومري .. ولو عندنا فلاش مومري نقدر نستفيد منه بالطرق التالية :-

- تشغيل الصوتيات عن طريق ام بي ثري السيارة

نقل الملفات من والى اي كمبيوتر بدون برامج اضافية مها كان نظام تشغيل الكمبيوتر سواء ماك او ويندوز او لينكس او غيره

تشغيل فيديوهات مباشرة من الفلاش اذا عندنا اجهزة دي في دي عنده منفذ الفلاش مومري

انزين .. البرنامج الي راح اشرحه لكم هني راح تضيف كل الميزات الي ذكرته فوق الى الاي فون .. لان كلنا نعرف ان الاي فون مانقدر نتعامل معاه بدون الايتونز الي عقد فينا ! ..

البرنامج يتطلب : جيل بريك

التوافقية : 5.0.1

السورس الموجود فيه البرنامج : -  http://repo.insanelyi.com

اسم البرنامج : USB Drive

الخطوة الأولى : نضيف السورس المذكور اعلاه في قائمة السورسات في برنامج الساديا

الخطوة الثانية :-  نبحث عن البرنامج USB Drive ونقوم بتثبيته وهذا شكل البرنامج بعد التثبيت

الخطوة الثالثة :-  نفتح البرنامج وبعدين نضغط على Create Disk

الخطوة الرابعة : نقوم بتحديد المساحة المطلوبة لاستعمالها كـ فلاش مومري ونضعط بعدين انشاء على اليمين فوق

ننتظر قليلا لين مايخلص

الخطوة الخامسة والاخيرة :- نرجع للقائمة السابقة ونختار Drive only ونعيد تشغيل الاي فون وبعدين نوصله الى الكمبيوتر وعقب ندخل على الـ my computer وبنحصل فلاش مومري جديد نفس الي في هذه الصورة

وهذه معنى الاوضاع في اعدادات البرنامج :

Drive only : تحويل الاي فون الى ذاكرة فلاش يعني لو وصلت الاي فون ونت مختار هذه الحالة .. يتعرف الكمبيوتر على انك موصل ذاكرة فلاش جديدة , ويوم تدخل my computer بتحصل ذاكرة يو اس بي جديدة , لكن ماتقدر تسوي تزامن مع الاي فون عن طريق الايتونز
default : الوضع الطبيعي , تقدر تسوي تزامن مع الايتونز وبيكاب وريستور وغيره نفس قبل
Drive+ itunes : مايسوي تزامن مع الوندوز لكن لو عندك جهاز ماك + xcode تقدر تنقل برامجك الى الاي فون .. انا اشوف الوضع هذا مامنه فايدة لانه فقط للمطورين والمبرمجين ,,
تحت في كلمة virtual disks في كلمة create disk..
تختارونه عشان تسوون لكم درايف يو اس بي بعد ماتختارونه تختارون المساحة الي تبونه من المساحة المتبقية للاي فون كما في الصورة

سلبيات البرنامج

ماتقدر تنقل ملفات من الاي فون نفسه الى المساحة المحجوزة للفلاش درايف وانا حاولت بشتى الطرق لكن للاسف ماقدرت ,, الطريقة الوحيدة الي تنقل الملفات هي من الكمبيوتر يعني كانك فعلا تتعامل مع ذاكرة فلاش حقيقية , ومافي اي علاقة بين ملفات الاي فون والمساحة المحجوزة حق الفلاش حتى دورت في الاي فايل حصلت ملف اسمه volum.img هذا الملف حجمه نفس حجم الذاكرة الي اخترته ,, وانا حاولت افك الضغط عنه من الاي فايل ماقدر لان قلت اكيد لو قدرت افك الضغط اقدر اطلع الملفات المخزنة وايضا اقدر اخزن فيه ملفات عن طريق اعادة ضغط الملفات ,, لان اعتقد لو ماخاب ضني ان الامتداد img عبارة عن نوع ملفات مضغوطة ,,
السلبية الثانية ,, ماتقدر تستعمل الاي فون مع الايتونز اذا فعلت خاصية drive only ,, وايضا يوم تختار بين drive only و defaultيطلب منك اعادة تشغيل الاي فون ..
تم.